Тиздән яңа уку семестры башлана, һәм без сезнең өчен күп яңалыклар, сюрпризлар һәм кызыклы чаралар хәзерләдек. Мәсәлән, инде 5 февральдә көнчыгыш телләре буенча түләүсез мастер-класслар сериясе башлана. Ә бүген сезнең игътибарга ХМТһКИ «UNIVERSUM+» КҮҮнең Көнчыгыш телләр үзәге мөгаллимнәре Томоко Симбо, Фумико Кондо һәм А. Хәлиуллина белән булган интервью тәкъдим итәбез.
- Баштарак япон теле белән кызыксыну япон мәдәниятен аңларга омтылу, анимэне тәрҗемәсез карау теләгеннән барлыкка килә. Аеруча кызыксыну көнчыгыш кара-каршы көрәш яратучыларда күренде. Безнең күзәтүебезчә, безгә укырга нәкъ менә тел өйрәнергә киләләр һәм аннан соң гына япон мәдәниятенә кереп китәләр, чөнки алар арасында бәйләнеш бик тә зур. Казан һәм Татарстанның япон компанияләре белән элемтәләре зур, товар алмашу елдан-ел үсә бара. Казан федераль университеты менә 30 елдан артык инде япон югары уку йортлары белән мөнәсәбәттә тора. Академик алмашу буенча булган килешүләр кысаларында грант программаларында һәм стажировкаларда катнашырга җыенган Ккп кенә яшьләр тел өйрәнергә дип киләләр. Бу ел безнең аеруча үзенчәлекле – 2018 ел Япониядә Рәсәй елы һәм Рәсәйдә Япония елы дип игълан ителде, шуңа күрә япон теленә һәм мәдәниятенә карата булган кызыксыну бары артачак кына. Япониянең футбол буенча җыелма командасы Казанда төпләнәчәген рәсми белдерде. Аларга Казан тәкъдим иткән шартлар ошаган. Бу уңайдан Япониядән күпсанлы туристлар, футбол фанатлары килер дип көтелә. Моннан тыш, без футбол буенча дөнья чемпионатында катнашучы волонтерларга да кирәкле күләмдә телдән хәзерлек үтәргә тәкъдим итәбез.
- Япон телен үзләштерү катлаулымы?
- Бүтән көнчыгыш телләр кебек, япон теленең дә үз үенчәлеге бар. Аның, кытай теленнән аермалы буларак, укуны, язуны, аңлауны җиңеләйтә торган ике әлифбасы булуын әйтергә кирәк. Телнең һәм мәдәниятнең үзенчәлекләренә тирәнрәк төәенү өчен без шулай ук иероглифларны өйрәнәбез. Гадәти һәм серле булганга, күпләргә иероглифларны уку һәм теркәү ошый. Үзенчәлекле техникасы, иероглифларны өйрәнү һәм истә калдыру хәтер күнекмәләрен яхшыртырга булыша. Чиксез мәгълүмат алу чорында яшәгәнебезгә күрә, мондый өстәмә күнекмә бик тә файдалы.
- Телне аз гына булса да үзләштерер өчен күпме вакыт кирәк?
- Бу бик тә индивидуаль, гадәттә без беренче баскычта бары тик башлангыч мәгълүматларны үзләштерергә өлгерәбез. Япон теле аерым бер логикага һәм фәлсәфәгә ия, шуңа да аның җаена төшенү өчен вакыт кирәк. Беренче дәресләрдә сезне танышырга, үзеңне тәъдим итәргә, үзең турында сөйләргә, сатып - алу эшләрен башкарырга, поезд һәм самолетка билет стып алырга өйрәтәләр. Икенче баскычта, алдагы өч ай дәвамында, укучы, тулысынча җайлангач, укучы инде күбрәк үзләштерергә әзер була. Шуңа күрә икенче баскыч күпкә нәтиҗәлерәк, кинәт алга китеш барлыкка килә. Моннан тыш, тел мохитенә чумдыру максатыннан, без бу тел ияләрен җәлеп итәбез, чынбарлыктагы вазгыятьне тудырабыз һәм уйнап алабыз. Шул рәвешчә лексикадан һәм грамматикадан күнегүләр ныгытабыз. Шулай ук КФУның Халыкара мөнәсәбәтләр, тарих һәм көнчыгышны өйрәнү институтының Японияне өйрәнү үзәге җирлегендә проект лабораториясе оештырылды һәм, япон телен аз гына белгән, теләге булган теләсә кем проектларда катнаша, практикада аны камилләштерә ала. Бу өстәмә күнекмәләрне ныгыту, ә иң мөһиме, бушлай.
- Япон теленнән халыкара имтиханга ничек әзерләнергә була? Һәм аны ничек тапшырырга?
- Япон телен чит тел буларак белүгә халыкара имтихан - NIHONGO NORYOKU SHIKEN (Japanese language proficiency test – JLPT) – 5 дәрәҗәдән тора. Беренчесе – иң югары, бишенчесе – башлангыч. Безнең барлык мөгаллимнәр 1-2 дәрәҗә сертификатларга ия, шуңа да алар имтиханга ничек әзерләнергә һәм аны ничек бирергә кирәклеген шәхсән беләләр, имтиханга хәзерләнгәндә ярдәм күрсәтә белән берлектә, файдалы киңәшләрен дә бирәләр. Хәзер Казан федераль университеты базасында Тест үтү үзәге ачу турында сөйләшүләр алып барыла, бу исә студентлар һәм курсларга йөрүчеләр өчен бик тә уңай булыр иде. Тест үтүгә чираттагы гаризалар яз көне кабул ителә, ә имтихан үзе июнь аенда узачак, шунлыктан япон теленнән имтиханга хәзерлек курсларына язылырга һәм аңа яхшылап әзерләнеп өлгерергә вакыт бар әле.
- Казанда япон телен укыту дәверендә сез аерым бер яңа тәҗрибә тупладыгыз. Һәм, мөгаен, узган еллардагы тәҗрибәләрегезне күз алдында тотып, кешеләрнең япон мәдәниятенә һәм япон теленә тартылуларын күрәсездер. Сенең өчен япон теленә аерата гашыйк булу нәрсә ул? Япон телен өйрәнергә теләүчеләргә сез нинди киңәш бирер идегез?
- Кондо Фумико: Минем өчен япон теле – мин чит илләрдә булганда миңа ирек хис-тойгысы бирүче тел. Ул мине авыр хәлләрдә калганда юата.Әгәр мин япон телен белгән кебек чит телләрне белсәм, алар да миңа охшаш ирек хисе бирерләр иде.Чит телләрне өйрәнгәндә берьюлы 2-3 һәм аннан да күбрәк телләрне өйрәнергә кирәк дип уйлыйм.
- Симбо Томоко: Чыннан да, минемчә, теләсә кайсы чит телне өйрәнү шул ягы белән гүзәл, тел мәдәният белән тыгыз бәйләнгән. Япон теленең гүзәллеге шунда, аның аша сез япон мәдәниятен төптәнрәк аңлауга ирешә аласыз. Япон телен өйрәнергә теләүчеләргә киңәш бирүгә килгәндә, мин тел өйрәнү, һичшиксез, мөһим гамәл дияр идем. Әмма мин сезенең мәдәниятне: япон гадәтләрен һәм традицияләрен өйрәнүгә дә омтылыш ясавыгызны теләр идем. Япон теле – күптөрле нечкәлекләр һәм үзенчәлекләр хас булган бик тирән мәгънәле тел. Мин сезгә шушы тирәнлек белән тулысынча ләззәтләнүегезне телим.
- Кондо-сенсей, ә сез ничек уйлыйсыз: япон телен өйрәнергә башка телләрне белү ярдәм итәме? Мәсәлән, Татарстанда күпләр татар телен белә, шулай ук барысы да диярлек инглиз телен актив өйрәнә.
- Бу сорау мине шулай ук кызыксындырды, һәм мин полиглотлардан интервью алырга булдым. Шул нәрсә ачыкланды: берьюлы ике һәм аннан күбрәк тел өйрәнү – бик тә нәтиҗәле. Берненчесендә арсаң яисә аптырап калсаң, тагын икенчесе һәм өченчесе бар. Әлбәттә, бу бөтен телләрне дә камил белү кирәк дигән сүз түгел. Лексик базаны туплау җитә – бу якынча 1000 сүз, ә аннан соң инде акрынлап грамматиканы өйрәнүгә күчәсең. Ә гомумән, сез карагыз, япон телен күбрәк үзләштерә барган саен, сез татар һәм япон телләре логикасында охшашлыклар таба аласыз, югыйсә алар территориаль яктан бер-берсеннән ерак торалар бит. Мәсәлән, ике телдә дә фигыль җөмләнең ахырында килә. Ә менә инглиз телен белү япон теленнән кергән күпсанлы алынмаларны ача. Әйтик, aisukurimu, beddo, terebi. Япон телендә бу сүзләрне ишетеп өйрәнгәч, аларның асыл мәгънәсен аңлавы җиңел. Әгәр бу сүзлзрнең мәгънәләренә төшенеп җитә алмаган булсагыз, безнең курсларга килегез. Без, һичшиксез, сезгә булышырбыз!
- Япония һәм Рәсәйнең климаты бер-берсеннән шактый аерыла. Сез рәсәй климатына ияләштегезме инде? Бигрәк тә кышкы вакытка?
- Симбо Томоко: Мин рәсәй һава торышына күнектем инде. Кышын Рәсәйдә салкын, ләкин кояшлы булганда, кышкы күренеш бик тә матур.
- Сезнең өчен кыш нәрсә ул? Бәлки аның белән сезнең ниндидер күзаллауларыгыз һәм образларыгыз бәйләнгәндер?
- Симбо Томоко: Миңа кышкы чиста һава һәм агачларга кунган кар бәсе ошый. Мин Казан Кремле территориясеннән һәм яр буеннан елгага карарга яратам һәм кыш – ел фасылының иң матур чагы дип уйлыйм.
- Кондо Фумико: Минем өчен кыш – ул бозлавык, ул көне буена сүрәнлек һәм бары тик төнне генә йолдызлы ачык күк йөзе. Мин юеш авыр кар катламы белән капланган тауны, кедрлар һәм наратларны күз алдыма китерәм. Ә кар туктамыйча күктән җиргә төшә, ә кайчак йорт түбәсеннән кинәт ишелеп төшкән кар кисәге тавышын ишетергә була. Кыш – сөякләргә үтеп керерлек суык, һәм мандарин һәм алма тулы тартмалар.
- Ә Сезнең өчен, Кондо-сенсей, кышкы Казанда нинди дә булса үзенчәлек бармы?
- Казанда кар җиңел һәм кар бөртекләренең юка бизәкләрен озак кына күзәтеп торып була. Бозлавык һәм мандариннар – Казанда һәм туган шәһәремдә кышның уртак үзенчәлекләре.
- Интервьюгыз өчен зур рәхмәт, дәресләрдә күрешкәнгәчә!
Япон теленең барлык нечкәлекләренә төшенергә теләүчеләрне япон теле курсларына чакырабыз, аларда безнең тәҗрибәле мөгаллимнәребез сезгә самурайлар, императорлар һәм гейшаларның серле мәдәнияте, иероглифның яшертен дөньясына чумарга ярдәм итәчәк. Хәзерге япон мәдәниятен яратучылар - - манго, анимэ, j-pop –ларны субтитрларсыз һәм тәрҗемәләрсез укый, карый һәм тыңлый, һәм шулай ук үзләренең шәхсән әсәрләрен иҗат итә алачаклар.
Шулай ук барыгызны да КФУның Халыкара мөнәсәбәтләр, тарих һәм көнчыгышны өйрәнү институтында 5 -9 февраль көннәрендә кичке сәгать 6 да булып узачак түләүсез мастер-классларга чакырабыз.
Дәресләр тәртибе, мөгаллимнәр, бәясе турында һәм бүтән сезне кызыксындырган сораулар белән түбәндәге телефоннар буенча мөрәҗәгать итә аласыз:
293-94-46 яки 8-996-336-31-19 (Илина Радиковна).
Курсларга югарыда күрсәтелеп киткән телефоннар аша яки zrkkitay@gmail.com почтасына гариза юллап языла аласыз.