20 нче май көнне КФУның Филология һәм мәдәниятара багланышлар институты бинасында мәктәп укучылары өчен, Россия халыкларының туган телләре һәм әдәбияты буенча Федераль олимпиадада җиңүчеләр бүләкләнде.
Олимпиада, конкурслар үткәрү һәм анда катнашу - ул үзеңнең көчеңне, белемеңне сынап карау, бер-берсе арасында ярышу да. Олимпиада да катнашу Казанның иң абруйлы уку йорты –КФУ га керер өчен, һәм әйбәт белем алу өчен, тагын да зуррак мөмкинлекләр бирә.
Олимпиадада төрле милләт вәкиле катанаша ала. Алар үзләренең туган телләрен, гореф-гадәтләрен, мәдәниятен белүләре буенча төрле яклап сынау узган.
Әйтеп узарга кирәк ки, СВОШ олимпиадасы быел утыздан артык тел буенча ике этапта уздырылган. Татар теле буенча олимпиада Филология һәм мәдәниятара багланышлар институтының Габдулла Тукай исемендәге милли мәгәриф һәм мәдәният югары мәктәбе базасында үткәрелә. Олимпиаданың беренче этабында 8-11 нче сыйныфта укучы биш йөздән артык бала катнашкан. Аларның йөзгә якыны икенче турга узган. Шуларның егерме дүрте җиңүче һәм призлы урыннар алган. Җиңүчеләрне, шул исәптән аларның укытучыларын, әти-әниләрен Габдулла Тукай исемендәге Милли мәдәният һәм мәгариф югары мәктәбе деканы Рамил Хәмит улы Мирзаһитов котлады һәм медальләр белән бүләкләде. Ул әлеге Олимпиаданың зур дәрәҗәсе турында сөйләде.Чөнки Төньяк-көнчыгыш федераль университеты уздырган әлеге олимпиада Россия Федерациясенең иң югары закон чыгару органы- Федерация Советы катнашында һәм ярдәме белән уздырыла.
Рамил Хәмит улы, форсаттан файдаланып, укучыларга Югары мәктәп турында, институтка быел студентлар кабул ителәчәк программалар турында да белешмә бирде һәм 11 нче сыйныф укучыларын укырга керергә чакырды.
Арча районы, Хәсәншәех авылы мәктәбенең 8 нче сыйныфында белем алучы Камилә беренче урын алуы белән уртаклашып, үзенең хис кичерешләрен әйтте:
-Беренче урын алуым белән чиксез шатмын. Бу минем өчен горурлык. Хисләрем эчемә сыймый, мин бәхетле!
Олимпиадага ничек әзерләндең?
Кайсы олимпиада да катнашасы рәхәтерәк?
Теләче районы Баландыш авылының 8 нче сыйныф укучысы Нурфия дә 1 нче урынны яулады. Ул бу чарага әнисе белән килгән.
Олимпиаданы эшләве ничек булды?
-Дөресен генә әйткәндә, беренче урын алырмын дип үзем бик ышанмадым, үз исемемне ишеткәч шаккатыргыч булды! Катнашучылар арасын иң күп балл җыючы булганмын. Үземә дә ышаныч хисе тудырды, мин татар телен яхшы беләм икән дип уйлап куйдым.
Барлык җиңүчеләргә да уңышлар юлдаш булсын!
Хәйруллина Илзирә, 2 нче курс студенты