14 нче ноябрь көнне Филология һәм мәдәниятара багланышлар институты директоры Рәдиф Рифкать улы Җамалетдинов Төркиянең Билкәнт университеты профессоры Рәсим Өзйөрәк белән очрашты. Директор профессорның килүен бик хуплады, төрки филологиянең үсеш перспективалары шактый киң, дип билгеләп үтте ул. Төркия университеты белән Милли мәдәният һәм мәгариф югары мәктәбенең фәнни юнәлешләре аерым бер яклары белән чагыша. Моны күрешүдә югары мәктәпнең деканы Әлфия Шәүкәт кызы Юсупова да билгеләп үтте. Очрашу барышында киләчәктә Билкәнт университеты белән ныклы хезмәттәшлек төзү юллары сөйләшенде. Төркия белән Татарстан арасында студентлар белән, мөгаллимнәр белән алмашу программалары, шулай ук төрек теле курслары турында фикерләр әйтелде.