28 апрель көнне, Казан (Идел буе) Федераль университетының филология һәм мәдәни коммуникацияләр институтының Салих Сәйдәшев исемендәге югары сәнгать мәктәбендә Бөек татар композиторы Фәрит Яруллинның тууына 100 ел тулуга багышланган әдәби – музыкаль кичә узды.
Кичәнең кунаклары халыкара мөнәсәбәтләр,тарих һәм көнчыгышны өйрәнү институты , югары сәнгать мәктәбе студентлары , укытучылар булды. Музыкаль кичә күтәренке рухта, югары зәвык белән һәм саф татар телендә барды.Укытучыларыбыз, профессорлар Рагде Халитов, Мингол Галиев; доцентлар Әнисә Абдуллина, Мулланур Габитов; өлкән укытучылар Екатерина Коврикова, Светлана Каркина; концертмейстерлар Людмила Егорова, Зөлфия Ибрагимова; студентлар Гөлүзә Кашапова, Марат Габитов, Руфия Каримуллина, Динар Шаймарданов, Сиринә Нуриманова, Айнур Каримовларның чыгышлары алкышларга күмелде.
Кичәнең сәнгать җитәкчесе Татарстанның һәм Россиянең атказанган сәнгать эшлексе Рагде Халитов, сценарий авторы Татарстанның атказанган сәнгать эшлеклесе , доцент Мулланур Габитов, кичәне 3 курс студенты Руфия Каримуллина алып барды, тавыш операторлары Дамир Габдрахманов һәм Данил Воробьев.
