РАМСТЕДТНЫҢ КОТВИЧ КОЛЛЕКЦИЯЛӘРЕНДӘГЕ НУГАЙ ТЕКСТЛАРЫ
Генрик Янковский,
Адам Мицкевич университеты (Познань, Польша),
Польша, 61-714, Познань ш., Ниеподлеглоски ур., 24 нче йорт,
henko@amu.edu.pl.
Краковта Котвич коллекцияләрендә табылып, Финляндиядә Гарри Хален редакциясендә басылган төп документны тулыландырган Рамстедт нугай текстларының тагын бер нөсхәсен тәкъдим итү әлеге хезмәтнең максаты булып тора2. Автор нугайлар яисә нугай татарлары телен Арал-Каспий төркеменең башка төрки телләре белән чагыштырма планда тикшерә, ике нөсхәгә нигезләнеп, нугай теленә хас фонетик үзенчәлекләр һәм фонологик процессларны карый. Н.А.Баскаковның классик тикшеренүләрендә урын алмаган нугай сөйләм теле үзенчәлекләре турында нәтиҗә ясала. Хезмәттә, Рамсетдның нугай телен кыска вакыт эчендә җитәрлек дәрәҗәдә үзләштерә алмавы сәбәпле, текстта кайбер сүзләрнең мәгънәләрендә төгәлсезлекләр һәм тел хаталары булуы искәртелә. Тикшерелә торган нөсхәләрдә лингвистик күренешләрне аңлатуда аермалыкларны күрсәткән мисаллар да мәкаләдә урын ала.
Төп төшенчәләр: Котвич коллекциясе, Рамстедтның нугай текстлары, нугай татарчасы, Хален редакциясе, фонетик үзенчәлекләр, озын сузык, сузыклар гармониясе, иренләшкән-иренләшмәгән сузыклар, тартыклар үзгәреше.
