Бу минутларда Татар китабы йортында КФУ диннәрне өйрәнү кафедрасы каршында аспирантлар түгәрәге утырышы үтә. Фәнни клуб җыелышында кафедра мөдире, фәлсәфә фәннәре кандидаты, доцент Артем Соловьев, фәлсәфә фәннәре докторы, профессор Юлия Матушанская, сәяси фәннәр кандидаты, доцент Зоя Силаева, Татар китабы йорты мөдире Айдар Шәйхин һәм кафедра аспирантлары катнаша.

Утырышта Рәмис Фәтхуллинның кандидатлык диссертациясе тикшерелә. Аның хезмәте XVIII гасыр — XX гасыр башында Идел һәм Урал буе социомәдәни шартларында башка диндәге мохиткә карата мөнәсәбәтнең ислам парадигмасына багышланган.