Өч ай дәвамында – 17 нче сентябрьдән алып 14 нче декабрьгә кадәр – атнасына ике тапкыр, ике сәгатьлек дәресләр вакытында курсларга йөрүчеләр татар телен белү дәрәҗәләрен шомарттылар. Хезмәткәрләребез Әхәтова Фәридә, Баташева Светлана һәм Нигәмәтҗанова Ләйсән әлеге курсларны уңышлы тәмамладылар. Нәтиҗәдә алар язма һәм телдән җавап бирү рәвешендә имтиханнар тапшырдылар һәм татар телен белү дәрәҗәсе теркәлгән таныклыклар алдылар.
Татар теле дәресләрен филология фәннәре докторы, профессор Галиуллина Гөлшат Рәис кызы, филология фәннәре кандидаты, доцент Йосыпов Айрат Фаик улы һәм филология фәннәре кандидаты, доцент Болгарова Рәмзия Марс кызы алып барды.